Novidade: envío de recibos en formato PDF

Xunto co recibo correspondente ao 4º bimestre de 2025, o cal foi enviado o día 10 de outubro do presente ano a todos os usuarios que teñen activado o envío de recibos por correo postal, incluíuse unha carta informando da posibilidade de activar o servizo de envío de recibos en formato PDF ao correo electrónico que desexen facilitarnos. A continuación pode observarse o contido da comunicación:

Có fin de axilizar os trámites e de que vostede poida dispoñer da súa factura de auga da maneira máis rápida, cómoda e segura posible, poñemos no seu coñecemento que pode solicitar, de forma totalmente gratuíta, recibir as súas facturas directamente no seu correo electrónico. A factura enviada ao seu correo electrónico achegaralle moitísimas vantaxes tanto a vostede como ao medio ambiente. Vantaxes como unha maior seguridade, celeridade e certeza no envío e recepción das súas facturas, unha maior confidencialidade, facilidade de arquivo e consulta, asegurar a lexibilidade ao dispoñer sempre de documentos orixinais e, ao mesmo tempo, contribuír ao desenvolvemento sustentable e respecto ao medio ambiente ao usar un soporte limpo e non contaminante. 

Tan só ten que facilitarnos o seu correo electrónico enviándonos un e-mail a contacto@consorciodolouro.es indicando o nº de contrato (últimos 5 díxitos dos DATOS DO SERVIZO), nome e apelidos do titular e dirección de e-mail onde desexa recibir a súa factura electrónica, chamando ao Centro de Atención ao Cliente do Consorcio (900 810 103) ou acudindo a calquera das oficinas que o Consorcio ten en Mos, Salceda, Tui ou O Porriño e poderá dispoñer deste eficaz servizo a partir da próxima factura, coa mesma validez fiscal e legal que a factura convencional.

Desde o Consorcio de Augas do Louro queremos dar as grazas a todos e cada un dos usuarios pola súa colaboración, que nos axuda a mellorar o servizo e a coidar do noso medio ambiente. Xuntos facemos posible un futuro máis sostible.