Xestión eficiente do ciclo integral da auga
O resultado de décadas de desenvolvemento técnico e mellora continua en abastecemento e saneamento no Consorcio do Louro.
Instalacións
Abastecemento, saneamento e depuración xestionados mediante redes e infraestruturas coordinadas para garantir calidade e continuidade do servizo.
Normativa e transparencia
Administracións consorciadas
Coñece os concellos e entidades que forman parte do Consorcio do Louro.
Construído sobre a cooperación institucional e a experiencia na xestión do ciclo urbano da auga
01
Integración e xestión do servizo
O Consorcio coordina de forma unificada os servizos de abastecemento, saneamento e depuración, garantindo eficiencia, continuidade e sustentabilidade nos municipios consorciados.
02
Organización institucional e goberno
A entidade estrutúrase a través do Comité Directivo, a Presidencia e a Xerencia, asegurando unha xestión pública coordinada e eficaz.
03
Crecemento e desenvolvemento estratéxico
O Consorcio contempla a incorporación de novos concellos cando razóns técnicas, económicas ou administrativas o aconsellen, seguindo os procedementos establecidos.
Tecnoloxía e xestión da auga
Aplicación de sistemas integrados de xestión do ciclo da auga para mellorar a eficiencia operativa e a sustentabilidade ambientalO Consorcio basea a súa actividade en infraestruturas de abastecemento, saneamento e depuración, orientadas á optimización de redes, o control de calidade e a mellora continua do servizo público.
✳︎ Modelo de cooperación pública consolidado na xestión da auga a nivel territorial
€4M+
Invertidos en infraestruturas e xestión do servizo
12+
Anos de experiencia na xestión do ciclo integral da auga e servizos públicos asociados
Que necesitas saber?
Aquí atoparás algunhas das preguntas máis frecuentes sobre os nosos servizos. Consulta a nosa páxina de preguntas frecuentes para máis información ou contacta connosco aquí
O Consorcio de Augas do Louro está formado polos concellos de Mos, O Porriño, Salceda de Caselas e Tui así como pola Xunta de Galicia, a través de Augas de Galicia. Cada unha delas adscribiu ao Consorcio as instalacións existentes neses concellos relacionadas co ciclo urbano da auga e cedéronlle as súas competencias para a explotación e xestión administrativa das mesmas.
As nosas infraestruturas permiten subministrar auga potable de calidade ás poboacións pertencentes aos concellos de Mos, O Porriño, Salceda de Caselas e Tui e devolvela en óptimas condicións ao medio ambiente.
No Consorcio de Augas do Louro xestionamos todos os procesos do Ciclo Integral da Auga:
Captación e Tratamento
Distribución
Vertedura e Depuración
Devolución ao Medio
A xestión integral do ciclo urbano da auga engloba dentro dunha única unidade de xestión os traballos necesarios para a captación de auga, a súa potabilización, almacenamento e distribución domiciliaria, os de recollida da auga residual xerada despois do seu uso e o seu transporte ata as estacións de depuración, nas que se eliminan todos os residuos contidos ou transportados na auga. Nese momento, a auga pode ser devolta ao medio receptor e “péchase o ciclo urbano” da auga.
A liquidación das taxas do Consorcio engloba, nun documento único, os importes derivados da prestación dos servizos de abastecemento, alcantarillado e depuración. O importe de cada un destes servizos calcúlase mediante unha cota fixa que reflicte o dereito de uso das instalacións e unha cota variable en función do volume de auga realmente consumido e do número de persoas que viven en cada fogar. Ademais, o recibo da auga inclúe o importe que o Consorcio está obrigado a recadar en favor da Xunta de Galicia en concepto de “canon da auga”.
As tarifas do Consorcio son as mesmas para os catro concellos e aplícanse bimestralmente mediante recibos que se aproban ao mesmo tempo. Para iso, o Consorcio elaborou un padrón de usuarios único.